نوازشریف تے آصف زرداری دی وجہ توں پاکستان تے اوکھا ویلا آیا: فیصل جاوید

اسلام آباد: سینیٹر فیصل جاوید آکھیا اے نوازشریف تے آصف زرداری دی وجہ توں پاکستان تے اوکھا ویلا آیا، عمران خان نے دیس نوں دیوالیہ ہون توں بچایا، ملکی معیشت مستحکم ہو گئی۔

پاکستان تحریک انصاف دے رہنما فیصل جاوید نے میڈیا نال کردیاں آکھیا پاناما کیس وچ صفائی دین دا کئی واری موقع دتا گیا، شریف خاندان دے بندے عدالتاں وچ اثاثیاں دا ثبوت نہیں دے سکے، پیپلزپارٹی تے (ن) لیگ تے مقدمات پی ٹی آئی نے نہیں بنائے، (ن) لیگ نے دیس لئی کجھ نہیں کیتا، سیاسی انتقام اوہ اے جہڑا عمران خان دے نال کیتا گیا، عمران خان باہر توں پاکستان پیسہ لے کے آئے، عمران خان توں بچپن وچ عیدی دی تفصیلات وی منگی گئیاں۔