پی ایس ایل پاروں کرونا وائرس دے کیسز لُکان دی گل غلط اے: ڈاکٹر ظفر مرزا
راولپنڈی: معاون خصوصی برائے صحت ڈاکٹر ظفر مرزا دا کہنا اے پی ایس ایل دی وجہ توں کرونا وائرس دے کیسز لُکان دی گل 200فیصد غلط اے۔
راولپنڈی وچ میڈیا نال گل کردیاں معاون خصوصی برائے صحت ڈاکٹر ظفر مرزا دا کہنا سی پاکستان وچ کرونا دے 5مریض نیں پر پاکستان سپر لیگ دی وجہ توں کرونا وائرس دے کیسز لُکان دی گل 200فیصد غلط اے جد کہ ہر نزلے تے زکام نوں کرونا وائرس نہ سمجھیا جاوے، صوبائی تے وفاقی سطح تے رل کے کم کر رہے آں، صوبائی حکومتاں خود مختار نیں تے اپنے لوکاں لئی بہتر فیصلے کر رہیاں نیں۔
ڈاکٹر ظفر مرزا آکھیا ڈینگی دے حوالے نال تیاری شروع کر دتی اے، ڈینگی نوں سٹینڈرڈ طریقے نال قابو کراں گے تے ڈینگی بارے وی نیشنل پروگرام لایا رہے آں۔ اوہناں آکھیا پنجاب تے اسلام آباد وچ کرونا دا کوئی مسئلہ نہیں ایس لئی ایتھوں دے سکول بند نہیں کر رہے۔
ڈاکٹر ظفر مرزا دا کہنا سی چین وچ کل2ہزار طلبہ نیں جہدے وچوں ووہان وچ 620طلبہ نیں تے اوہناںساریاں نال رابطہ اے جد کہ چین نے پاکستانیاں لئی وی اوہی پابندی لائیاںنیں جہڑی اپنے لوکاں لئی لائی اے۔
