پی ٹی آئی دے ہور35اراکاناں دے استعفے منظور

اسلام آباد( پنجابی میڈیا)سپیکر قومی اسمبلی راجہ پرویز اشرف نے پی ٹی آئی دے ہور35اراکاناں دے استعفے منظور کر لئے۔سپیکر قومی اسمبلی ولوں پی ٹی آئی دے جنہاں اراکاناں دے استعفے منظور کیتے گئے نیں اوہناں وچ جنید اکبر، عثمان ترکئی، مجاہد علی، ارباب عامر ایوب، عندلیب عباس، ملیکہ بخاری شامل نیں۔ایس دے علاوہ حیدر علی خان، سلیم رحمان، صاحبزادہ صبغت اللہ، محبوب شاہ، محمد بشیر دے استعفے وی منظور کیتے گئے نیں۔ ایس فہرست وچ خسرو بخیتار تے عامرکیانی دے نال نال فخر امام تے کرامت کھوکھر وی شامل نیں ۔ استعفے منظور ہون والیاں وچ شیر اکبر خان، علی خان جدون، شیر علی ارباب، شاہد احمد، گل داد خان، ساجد خان، محمد اقبال خان، سید فیض الحسن، شوکت علی بھٹی وی شامل نیں ۔ عمر اسلم خان، امجد علی خان، خرم شہزاد، فیض اللہ، محبوب حسین قریشی، ابراہیم خان، طارق اقبال، اورنگزیب خان کھچی، عبدالمجید خان، اسما قدیر، منور بی بی بلوچ دی وی استعفے منظور کر لیے گئے نیں۔دُوجے پاسے الیکشن کمیشن نوں پی ٹی آئی دے ہور35ارکان اسمبلی دے استعفے موصول ہو گئے نیں، الیکشن کمیشن ضابطے دی کارروائی توں بعد چھیتی اراکاناں نوںڈی نوٹیفائی کرن دا نوٹیفکیشن جاری کرے گا۔یاد رہے کہ کجھ دن پہلاں وی سپیکر قومی اسمبلی راجہ پرویز اشرف نے پاکستان تحریک انصاف دے35اراکاناں دے استعفے منظور کیتے سن۔