عمرہ زائرین تے پابندی 31مارچ تک ودھا دتی گئی

لہور/اسلام آباد: کرونا وائرس دی وجہ توں سعودی ایئر لائن نے عمرہ زائرین تے 31مارچ تک پابندی ودھا دتی اے۔

سعودی ایئر لائن نے عمرہ زائرین تے 31مارچ تک پابندی ودھا دتی اے جد کہ عمرہ ویزا تے وزٹ ویزا والیاں دی ساری ٹکٹاں منسوخ کر دتیاں ، سعودی ایئر لائن نے منسوخ کیتی گئی ٹکٹاں دے ری فنڈ لئی ایئر لائن دے سیلز سپورٹ سنٹر نال رابطہ دی ہدایت کر دتی۔

لہور، اسلام آباد، کراچی، پشاور تے ملتان ایئر پورٹ دے سٹیشن منیجرز نوں سرکلر جاری کر دتا گیا۔