پاکستانی کینیڈین ندیم طفیل واسطے کوئن الیزبتھ پلاٹینیم جوبلی میڈل
مغربی کینیڈا دے صوبہ البرٹا دی گورنر سلمی لاکھانی دی طرفوں شاندار سماجی خدمات تے شہریاں نوں کوئن الزبتھ پلاٹینیم جوبلی میڈلز دتے گئے ۔اس موقعے تے کیلگری وچ ایک تقریب اکٹھ رکھیا گیا جس وچ ممبر صوبائی اسمبلی تے پارلیمانی سیکریٹری محمد یاسین نے گورنر ولوں میڈلز نال نوازیا۔کمیونٹی خدمات دے حوالے نال کیتی گئیاں نامزدگیاں تے میڈل حاصل کرنے والیاں وچ مشہور ڈاکٹر عبدالرحمان ، احمر ندیم میمن، طاہر صدیق ، ڈاکٹر عدنان منصور ، سابق ممبر صوبائی اسمبلی شیراز شریف مقامی صحافی ، کالم نگار تے بیورو چیف روزوار پنجابی زبان کینیڈا ندیم طفیل ہوراں نوں وی کوئن الزبتھ پلاٹینیم جوبلی میڈل دِتا گیا۔ کیلگری وچ رہن والی پاکستانی کمیونٹی نے میڈل حاصل کرن والیاں نوں مبارکاں دتیاں۔میڈل حاصل کرنے والے کمیونٹی آگواں نیں گورنر صوبہ سلمی لاکھانی تے ممبر صوبائی اسمبلی محمد یاسین دا شکرانہ کیتا۔
