مائنس عمران خان فارمولا کامیاب نہیں ہو سکدا:صدر مملکت

لہور(پنجابی میڈیاگروپ)صدر مملکت ڈاکٹر عارف علوی ہوراں آکھیاکہ مائنس عمران فارمولا کامیاب نہیں ہو سکدا،عمران دی گرفتاری یا مائنس ون فارمولے اُتے سخت عوامی ردعمل سامنے آئے گا۔گورنر ہائوس وچ سینئر صحافیاںنال ملاقات وچ گل بات کردیاں صدر مملکت ڈاکٹر عارف علوی ہوراں آکھیا کہ حکومت نوں کئی وار اپوزیشن نال مذاکرات دی دعوت گھلی۔صدر مملکت عارف علوی نے ہور آکھیا کہ حکومت نے میری ولوں مذاکرات دی دعوت دا کوئی جواب نہیں دتا،مذاکرات دے حوالے نال حکومت ولوں مکمل خموشی اے۔ اوہناں نے آکھیا الیکشن دے حوالے نال حکومت تے اپوزیشن نوں مل بیٹھنا چاہیدا اے، عمران خان نوں خدشہ اے کہ حکومت الیکشن کران وچ سنجیدہ نہیں، فواد چودھری نال جیہڑاسلوک کیتا گیا اوس اُتے شرمندگی ہوئی۔