کرونا وائرس، پی ایس ایل میچ ویکھن آن والیاں دی سکریننگ دا فیصلہ

کراچی: کرونا وائرس توں بچاؤ لئی پی ایس ایل میچاں دے دوران نیشنل سٹیڈیم آن والے سارے بندیاں دی سکریننگ دا فیصلہ کیتا گیا اے۔

پاکستان سپر لیگ میچاں دے دوران کرونا وائرس توں بچاؤ لئی احتیاطی تدابیر دے طور تے نیشنل سٹیڈیم کراچی وچ سینیٹائزر لان دا فیصلہ کیتا گیا اے، ذرائع سندھ حکومت دے مطابق صابن بنان والی کمپنی سٹیڈیم وچ مفت سینیٹائزر نصب کرے گی جد کہ پارکنگ دے مقامات تے وی سینیٹائزر لائے جان گے۔

سندھ حکومت دا کہنا اے کرونا وائرس دا کوئی خوف نہیں، ایس حوالے نال طبی ماہرین نے وی کلیئرنس دے دتی اے پر احتیاطی تدابیر دے طور تے پی ایس ایل میچز ویکھن لئی آن والے شائقین دی سکریننگ کیتی جاوے، سٹیڈیم دے سارے داخلی راہواں تے سکریننگ لئی خصوصی کاؤنٹر قائم کیتے جان گے جد کہ بوہیاں تے پلس دے نال طبی عملہ وی تعینات ہووے گا۔