پٹرول توں بعد گیس تے بجلی وی ودھے گی،فرخ حبیب

لہور( پنجابی میڈیاگروپ)پاکستان تحریک انصاف (پی ٹی آئی)دے رہنما تے سابق وزیر مملکت فرخ حبیب نے آکھیا اے کہ پٹرول توں بعد ہُن گیس تے بجلی وی وَدھے گی۔پٹرول دی قیمت وَدھن اُتے اپنے اک بیان وچ رہنما پی ٹی آئی فرخ حبیب نے آکھیا کہ مریم صفدر پچھلے دن کہہ رہی سی کہ اسحاق ڈاراُتے یقین رکھو۔اوہناں نے آکھیا کہ اوہ مریم کیتھے گئی جیہڑی کہندی سی کہ اک روپیہ ودھ ہندا اے تے میاں صاحب دا دل خون دے اتھرو روندااے،ایتھے تے35,35روپے پٹرول ، ڈیزل انتہائی مہنگا کر دتا گی اے۔