عالمی ادارہ صحت دا پولیو دے خاتمے لئی پاکستان نال ہو رتعاون ودھان دا فیصلہ

اسلام آباد: عالمی ادارہ برائے صحت نے پولیو دے خاتمے دے سلسلے وچ حکومت پاکستان دے نال اپنے تعاون وچ ہور وادھا کر دتا اے۔

عالمی ادارہ برائے صحت دے نمائندہ برائے پاکستان ڈاکٹر پلیتھا دی وزارت خارجہ وچ وزیر خارجہ شاہ محمود نال ملاقات ہوئی۔

ڈاکٹر پلیتھا نے وزیر خارجہ نوں اپنی سفارتی اسناد پیش کیتیاں تے آکھیا عالمی ادارہ برائے صحت نے پولیو دے خاتمے دے سلسلے وچ حکومت پاکستان دے اپنے تعاون وچ ہور وادھا کر دتا اے۔

ایس موقع تے شاہ محمود قریشی آکھیا پاکستان وچ پولیو دا مکمل خاتمہ، حکومت دی ترجیحات وچ شامل اے، حکومت پاکستان کرونا وائرس دے پھیلاؤ نوں روکن لئی سارے ضروری اقدامات کر رہی اے۔

وزیر خارجہ نے ڈاکٹر پلیتھا نوں پاکستان وچ معاون ٹیکنالوجی برائے صحت تک رسائی وچ بہتری دے سلسلے وچ حکومتی اقدامات توں وی مطلع کیتا۔