پٹرول ودھنا حکومت دی نکامی دا ثبوت اے: شاہ محمود قریشی

لہور( پنجابی میڈیاگروپ)پاکستان تحریک انصاف(پی ٹی آئی)دے نائب چیئرمین تے سابق وزیر خارجہ شاہ محمود قریشی نے آکھیا اے کہ پٹرول دی قیمت ودھنا حکومتی نکامی دا ثبوت اے۔سماجی رابطے دی ویب سائٹ ٹوئٹر اُتے اپنے پیغام وچ رہنما پی ٹی آئی شاہ محمود قریشی نے آکھیا کہ ملک پہلاں ہی معاشی تباہی اُتے کھڑا اے، اج عوام ایس امپورٹڈ حکمراناں ہتھوں ہور بوجھ تھلے آگئی اے۔اوہناں نے آکھیا کہ پٹرول، ڈیزل قیمت اک وار فیر35روپے ودھنا اینہاں دی نکامی دا منہ بولدا ثبوت اے، عوام کَدوں تک اینہاں دی نااہلی دی قیمت ادا کرے گی، کیا اربابِ اختیارہور تباہی دا انتظار کرے گی۔