ڈنمارک وچ قرآن پاک دی بے حرمتی قابل مذمت اے:وزیراعظم

اسلام آباد( پنجابی میڈیاگروپ)وزیر اعظم محمد شہباز شریف نے آکھیا اے کہ ڈنمارک دے سیاستدان ولوں قرآن پاک دی بے حرمتی انتہائی قابل مذمت قدم اے ،ایس نال ساڈی دل آزاری ہوئی اے۔سماجی رابطے دی ویب سائٹ ٹوئٹر اُتے پیغام وچ وزیراعظم شہبازشریف نے آکھیا کہ ڈنمارک دے اک سیاستدان ولوں قرآن پاک دی بے حرمتی دا تیجا واقعہ اے ، جس دی مہذب معاشرے ولوں مذمت کیی جانی چاہیدی اے۔وزیراعظم نے آکھیا کہ اسلاموفوبیا دے خلاف لڑن لئی عالمی یکجہتی دی فوری لوڑ جنہی اج اے پہلاں نہیں سی ، ایس واقعہ نال ساڈی دل آزاری ہوئی اے۔واضح رہے کہ سویڈن تے نیدرلینڈز توں بعد ڈنمارک وچ وی قرآن نذرِ آتش کرن دا واقعہ پیش آیا اے جس دی پاکستان سنے دُنیا بھردے مسلم ملکاں ولوں مذمت کیتی جارہی اے۔