بجلی، پانی دی قیمت نہیں وَدھ رہی،خرم دستگیر

اسلام آباد(پنجابی میڈیاگروپ)وزیر پانی و بجلی خرم دستگیر ہوراں آکھیا کہ بجلی دی قیمت فوری طور اُتے کوئی ودھا نہیں ہو رہیا نہ ہی بجلی دی بنیادی قیمت وچ کوئی ودھا۔ایہ گل اوہناں نے اپر چترال وچ نجی بجلی دے نظام نوں پیسکو وچ شامل کرن دے حوالے نال پشور گورنر ہائوس وچ منعقدہ تقریب وچ کیتی،اوہناں نے آکھیا کہ پیڈو نوںنیشنل گرڈ اُتے لے جان لئی قنونی معاملات نوں ٹھیک کر ے 3ارب دے واجبات ادا کرنے نیں، وزیر اعظم شہباز شریف نے گورنر خیبر پختونخوا دے نال مل کے معاملات نوں حل کرن دی ہدایت کیتی اے۔تقریب وچ گورنر خیبر پختونخوا غلام علی نوں واپڈا حکام نے بریفنگ وی دتی تے دسیا کہ اپر چترال وچ475600آبادی دی لوڑ9میگا واٹ اے،اپر چترال وچ قائم پیڈو سسٹم6میگا واٹ بجلی فراہم کر رہیا اے،1.163ملین روپے پیڈو ڈسٹری بیوشن نوں پیسکو اُتے منتقل کرن لئی درکار اے،اپر چترال وچ فوری طور اُتے بجلی دی کمی نوں پورا کرن لئی فنڈز چاہیدے نیں۔