ماہانہ شعری نشست
سیدعلی قیصر
دبستان شعروسخن (چنیوٹ) پاکستان دے پربندھ ہیٹھ کالج کیفے اینڈ ریسٹورنٹ وچ ماہانہ شعری نشست دا پربندھ کیتا گیا جہدی صدارت موسیقی تے شعری ذوق دی حامل منے پرمنے شخصیت جناب محمد حسین جاوید مارتھ ایڈووکیٹ نے کیتی جد کہ اچیچے پروہنے چنیوٹ دے منے پرمنے استاد شاعر جناب جاوید اقبال زاہد سن تے لہوروں تشریف لیائے ہوئے سوہنے اسلوب دے شاعر جناب شاہد سلیم نے اچیچی رلت کیتی۔ تلاوت قرآن مجید دی سعادت جناب تصور سمیع نے حاصل کیتی تے بارگاہ رسالت وچ گلہائے عقیدت جناب مبشر حسن کامل نے پیش کیتے جد کہ نظامت دے فرائض حفیظ الرحمن حفیظ نے سرانجام دتے۔ شاعراں وچ جنابِ مبشر حسن کامل ، جنابِ خالد اقبال خالد ، جنابِ ملک محمد منیر ، جنابِ تصور سمیع ، جنابِ تنویر پوری ، جنابِ ہارون عامر ، جنابِ حسنین سہیل ، جنابِ پروفیسر ڈاکٹر نوید عباس ، جنابِ باسط آذر ، جنابِ زاہد ساویز ، جنابِ حفیظ الرحمن حفیظ ، جنابِ شاہد سلیم تے جنابِ شجاعت رجوی جنابِ جاوید اقبال زاہد شامل سن۔جنابِ خالد محمود ایڈووکیٹ ،جنابِ طلحہ شبیر جنابِ اللہ دتہ، جنابِ زین العابدین، جنابِ علی تمیمی تے دوجے شرکا محفل نے شاعراں نوں کلام اتے داد تے تحسین نال خوب نوازیا۔صدر محفل جناب محمد حسین جاوید مارتھ نے صدارتی کلمات ادا کردیاں دبستان شعرو سخن چنیوٹ پاکستان دی ادبی کاوشاں نوں سراہیا تے ایسی ادبی محفلاں نوں جاری رکھن دی تلقین کیتی۔ اختتام تے دبستان شعرو سخن چنیوٹ پاکستان دے بانی جناب حفیظ الرحمن حفیظ نے سارے شرکا محفل دا شکریہ ادا کیتا۔
