کراچی وچ رہائشی عمارت ڈگن نال 4موتاں ، 32زخمی
کراچی: کراچی وچ عمارت ڈگن نال 4بندے جاں بحق تے 32زخمی ہو گئے۔ رضویہ سوسائٹی وچ پنج منزلہ رہائشی عمارت ڈگ گئی جہدے نتیجے وچ کئی بندے ملبے تھلے دب گئے۔ ریسکیو ٹیماں موقع تے اپڑیا پر تنگ گلیاں دی وجہ توں امدادی کماں وچ اوہناں نوں مشکلات دا ساہمنا کرنا پیا۔
ملبے توں ہن تک دو عورتاں سنے چار بندیاں دی لاشاں کڈھی گئیاں نیں تے 32بندے زخمی نیں جہناں نوں طبی امداد لئی ہسپتال منتقل کر دتا گیا اے جتھے چھ دی حالت نازک دسدی جاندی اے۔ اہل محلہ دے مطابق جمال فاطمہ نامی عورت دی ملکیت اے جہناں نے 74گز دے رقبے تے خستہ حال پرانے ستوناں تے ایہ پنج منزلہ عمارت تعمیر کرائی سی جہدی چھویں منزل تے کجھ مہینے پہلاں ای پینٹ ہاؤس وی بنایا گیا۔
ایس حادثے وچ ڈاکٹر جمال فاطمہ دے اک پتر دی ہلاکت دا وی خدشہ اے۔ وزیراعلیٰ سندھ مراد علی شاہ نے واقعے دا نوٹس لیندیاں کمشنر کراچی نوں ملبے وچ پھسے ہوئے لوکاں نوں کڈھن دی ہدایت کر دتی ۔
