الیکشن کمیشن الیکشن دی تریخ دیوے:لہورہائیکورٹ

لہور(پنجابی میڈیاگروپ)لہور ہائی کورٹ نے آکھیا اے کہ آئین وچ درج اے کہ الیکشن90دناں وچ ہونے نیں ، تُسی کِنج کہہ سکدے او کہ معاشی صورتحال خراب ہوچکی اے۔لہور ہائی کورٹ وچ پنجاب اندر الیکشن دی تاریخ دین بارے درخواست اُتے سماعت ہوئی، عدالت نے الیکشن کمیشن دے وکیل نال استفسار کیتا کہ تُسی دسو کہ الیکشن کَدوں کراو گے۔الیکشن کمیشن دے وکیل نے عدالت نوں دسیا کہ اسیں الیکشن کران لئی تیار ہاں، لیکن گورنر نے لکھیا اے کہ الیکشن کمیشن سارے سٹیک ہولڈراں نال مشاورت کرے۔جسٹس جواد حسن نے ریمارکس دتے کہ آئین وچ درج اے کہ الیکشن90دناں وچ ہونے نیں، الیکشن90دناں وچ ہونے نیں ، تُسی کِنج کہہ سکدے او کہ معاشی صورتحال خراب ہوچکی اے،عدالت نے الیکشن کمیشن دے وکیل نوں ہدایت کیتی کہ تُسی اینہاں کم کر رہے او، تُسی چھڈو گورنر نوں، تُسی الیکشن دی تریخ دے دیو ۔ عدالت نے گورنر دے وکیل توں استفسار کیتا کہ تہانوں کِنا ویلا درکار اے ایہ پاکستان دا معاملہ اے، گورنر دے وکیل نے جواب جمع کران دی مہلت منگدیاں ہویاں جواب دتا کہگھٹ توں گھٹ7 دناں دا ویلا درکار اے۔عدالت نے گورنر پنجاب دے وکیل نوں جواب جمع کران دی مہلت دے دتی تے آئندہ سماعت توں پہلاں فریقین نوں تفصیلی جواب جمع کران دی ہدایت کردیاں ہویاں کیس دی سماعت 9 فروری تک ملتوی کر دتی۔