مقبوضہ کشمیر دے سنگین حالات توں دنیا دے سارے ملکاں نوں آگاہ کرن دی لوڑ اے: وزیر خارجہ
اسلام آباد: وزیر خارجہ شاہ محمود قریشی آکھیا اے بھارتی فوجاں انسانی حقوق دی شدید خلاف ورزیاں وچ ملوث، مقبوضہ کشمیر دے سنگین حالات توں دنیا دے سارے ملکاں نوں آگاہ کرن دی لوڑ اے۔
ایہناں خیالات دا اظہار اوہناں نے اپنے زیر صدارت مشاورتی اجلاس وچ کیتا۔ اجلاس نال خطاب وچ اوہناں دا کہنا سی مقبوضہ کشمیر دے سنگین حالات توں دنیا دے سارے ملکاں نوں آگاہ جد کہ متعلقہ عالمی اداریاں دے ساہمنے وی بھارتی مظالم توں بے نقاب کرن دی لوڑ اے۔
اوہناں دا کہنا سی مقبوضہ کشمیر وچ لاک ڈاؤن نوں 214دن لنگھ چکے نیں۔ بھارت مقبوضہ کشمیر وچ انسانی حقوق دی شدید خلاف ورزیاں کر رہیا اے۔ ایس موقع تے چیئرمین کشمیر کمیٹی سید فخر امام آکھیا کئی ملکاں دی پارلیمان مقبوضہ کشمیر دی صورتحال تے اہم قرارداداں منظور کر چکیاں نیں۔
مشاہد حسین سید دا کہنا سی ہندوستان دا عدم برداشت تے مبنی رویہ خطے دے امن و استحکام لئی خطرناک اے۔
