رجیم چینج ذریعے کرپٹ ٹولا لیانا تریخی بلنڈر اے‘مسرت جمشید چیمہ

لہور(پنجابی میڈیاگروپ)پاکستان تحریک انصاف دی مرکزی رہنما مسرت جمشید چیمہ نے آکھیا اے کہ رجیم چینج آپریشن ذریعے کرپٹ ٹولے نوں لیانا تریخی بلنڈر اے،عمران خان تے اج وی ڈٹ کے کھڑا اے جیہڑا رودھو کے باہر دے ملک فرار ہویا قوم اوہناں توں آگاہ اے ۔اپنے بیان وچ اوہناںنے آکھیا کہ مریم صفدر اپنے کسی انکل توں نہ پُچھن بلکہ کسی عقلمند توں پُچھن کہ طاقتوراں نال معاہدہ کر کے ملک چھڈنا بزدلی دا کیہڑا درجہ ہُندا اے،عمران خان نوں سیاست توں باہر کرن دا سوچنا چھڈ دین تے اپنی پارٹی نوں سمیٹن، مریم نواز دے آن نال سنجیدہ لوگ پارٹی چھڈ رہے نیں تے آن والے دناں وچ ایس وچ شدت آئے گی ۔ اوہناں نے آکھیا کہ شریف خاندان نے ملک نوں نہیں ہر وار اپنے خاندان نوں مشکلاں توں کڈیااے تے کلین چِٹاں اج وی مل رہیاں نیں۔