آرمی چیف دی ہدایت اُتے پاک فوج دے2دستے ترکی روانہ
پنڈی( پنجابی میڈیاگروپ)آرمی چیف جنرل عاصم منیر دی ہدایت اُتے پاک فوج دے2امدادی دستے ترکی روانہ کر دتے گئے، عسکری قیادت نے ترکیہ وچ زلزلے نال موتاں اُتے اظہار تعزیت وی کیتا اے۔پاک فوج دے شعبہ تعلقات عامہ(آئی ایس پی آر)دے مطابق امدادی دستے پاک فضائیہ دے خصوصی طیارے نال روانہ ہوئے۔آرمی ڈاکٹر، نرسنگ سٹاف تے ٹیکنیشنز ترکیہ روانہ ہوئے، پاک فوج دی میڈیکل ٹیم30بستریاں دا موبائل ہسپتال قائم کرے گی۔آئی ایس پی آردا کہنا اے کہ دستے پاکستانی سفارت خانے دے نال نال قریبی رابطہ رکھ کے کم جاری رکھاں گے، ریلیف دے کماں دی تکمیل تک دستے اوتھے موجود رہن گے۔ترجمان پاک فوج دے مطابق امدادی سامان وچ خیمے، کمبل تے ہور امدادی شیواں وی گھلیاںگئیاں نیں۔
