میدان چھڈ کے نہیں نَٹھے،حماد اظہر

لہور(پنجابی میڈیاگروپ)پاکستان تحریک انصاف وسطی پنجاب دے جنرل سیکرٹری و سابق وفاقی وزیر حماد اظہر نے آکھیا اے کہ پی ڈی ایم میدان چھڈ کے نہ بھاگے،اپریل دے مہینے وی پورے ملک وچ الیکشن کروائے جان۔لہور وچ میڈیا نال گل بات کر دیاں ہویاں اوہناں نے آکھیا کہ90دناں وچ الیکشن ہونا ضروری نیں،ساہنوں کسی سیاسی لیڈر دا خوف نہیں، پی ٹی آئی سارے اسمبلیاں دے الیکشن وچ حصہ لئے گی،تحریک انصاف دے 33لوگ میدان وچ اُترن لئی تیار نیں،اسیں سیاسی لوگ نیں،لندن نہیں نٹھاں گے۔اوہناں نے آکھیا کہ اسیں الیکشن وچ بھاری اکثریت نال کامیاب ہون گے، اسیں ایس لئی استعفے دتے کہ معاشی تے سیاسی بحران نوں ختم کیتا جائے، میدان چھڈ کے نہیں نٹھے، اپریل وچ سارے الیکشن کروان۔