حکومت ایکشن لیا تے پٹرول ذخیرہ کرن والے رون گے:مصدق ملک

اسلام آباد(پنجابی میڈیاگروپ)وزیر مملکت پٹرولیم ڈاکٹر مصدق ملک ہوراں آکھیا اے کہ ایس ویلے تیل دی قیمت ودھان دا کوئی پلان نہیں، پٹرول دیاں قیمتاں دا تعین بین الاقوامی مارکیٹ توںہوئے گا۔میڈیا نال گل بات کردیاں ہویاں مصدق ملک نے آکھیا کہ کجھ لوگ ایہ سمجھ رہے نیں کہ آئی ایم ایف آیا ہویا اے تے تیل دی قیمت ودھے گی، پٹرول تے ڈیزل ذخیرہ کرن والے نقصان اٹھان گے، ذخیرہ اندوز عوام دا حق مار رہے نیں، ریاست نے ایکشن لیا تے فیر ایہ پریس کانفرنساں وچ روندے رہن گے۔وزیر مملکت پٹرولیم نے ہور آکھیا کہ ذخیرہ اندوزی کرن والے کجھ لوگ نیں،ذخیرہ اندوزاں نوںوارننگ دیندا ہاں، ذخیرہ اندوزی کرن والیاں نوں سخت نتائج بھگتنا پین گے، اوہناں دے لائسنس منسوخ کر دیاں گے، ایس ویلے ملک وچ20دن داپٹرول تے30دن دا ڈیزل موجود اے۔