پرویز الہی دے گھر چھاپے حکومت دی ننگی فسطائیت اے:عمران خان

لہور(پنجابی میڈیاگروپ)پاکستان تحریک انصاف دے چیئرمین وسابق وزیر اعظم عمران خان نے آکھیا اے کہ اوہ گجرات وچ پرویز الٰہی دے گھر اُتے پلس دے مسلسل چھاپیاں نال اوہناں دے حامیاں تے اوہناں نال کم کرن والیاں دی من مانی گرفتاری تے اغوا دی شدید مذمت کردے ہاں۔ ٹوئٹر اُتے جاری اپنے پیغام وچ عمران خان نے لکھیا کہ ایہ امپورٹڈ حکومت تے اوہناں دے ہینڈلرز ولوں ننگا فاشزم اے تاکہ اوہناں لوکاں وچ خوف پھیلایا جائے جیہڑے ساڈی حمایت کرتے نیں۔اوہناںنے آکھیا کہ صرف تہانوںیاد دلادیئے کہ ساڈی حکومت دے دوران شریفاں تے ہوراں دیاں گرفتاریاں تے اوہناں دے خلاف کارروائیاں نیب کیسز دا نتیجہ سن،جنہاں وچ95فیصد توں وَدھ کیس ساڈے اقتداروچ آن توں پہلاں تے پاناما انکشاف توں بعد دائر کیتے گئے سن۔اوہناں نے آکھیا کہ دوران حراست اوہناں وی آئی پی ٹریٹمنٹ دتا گیا۔