کرونا وائرس دی وجہ توں درآمدات برآمدات وچ مسئلے نیں: مشیر تجارت

اسلام آباد: وزیراعظم دے مشیر برائے تجارت عبدالرزاق داؤد دا کہنا اے کرونا وائرس دی وجہ توں درآمدات برآمدات وچ مسئلیاں نیں۔

اسلام آباد وچ سیمینار نال خطاب کردیاں عبدالرزاق داؤد آکھیا زرعی پیداوار تے برآمدات لئی جامع پالیسی بنائی جا رہی اے، ایس پالیسی تے کم ہو رہیا اے برآمدات نال ملک نوں کیویں فائدہ اپڑایا جاوے، کسانوں دی کارکردگی نوں برآمدات وچ بہتری لیان لئی استعمال کرسکدے نیں۔

اوہناں آکھیا سب نوں پتہ اے ساڈی برآمدات وچ کمی آ رہی اے، فروری 2020وچ فروری 2019دے مقابلے وچ برآمدات 13.6فیصد ودھی، کرونا وائرس دی وجہ توں درآمدات برآمدات وچ مسئلے نیں۔ مشیر تجارت دا کہنا سی شوگر انڈسٹری وچ اسیں بہت مسئلیاں دا شکار آں، برازیل نے 500ملین ڈالر شوگر انڈسٹری توں فیول حاصل کرکے بچائے، سانوں ماحول دوست عناصر دی پیداوار نوں برقرار رکھن دی لوڑ اے۔