بیوروکریسی دا امتحان

فیصل ادریس بٹ

حکومت بلوچستان مرکزی حکومت توں صوبے لئی ہور مالی امداد منگ رہی سی تاں جے شدید مالی بحران دا شکارصوبہ بلوچستان وچ سرکاری ملازماں نوں تنخواہاں دی ادائیگی ممکن بنائی جا سکے۔ وزیراعلیٰ بلوچستان میر عبدالقدوس بزنجو دی درخواست اتے وفاق ولوں مالی بحران توں کڈن لئی مدد وی کیتی گئی۔ مالی امداد کیتی گئی اے۔ مگر ایہدے نال ایہہ اک چنگی خبر وی سامنے آئی اے کہ ریکوڈک منصوبے دے حوالے نال حکومت بلوچستان نوں ایہدے حصے دے طور تے پہلی رقم 30لکھ ڈالر دی قسط دی شکل وچ ملی اے جہدے توں گھٹ توں گھٹ حکومت بلوچستان نوں مالی پریشانیاں توں نکلن وچ مدد ملے گی۔ سالانہ ارباں روپے فنڈز آندے نیں مگر ایہہ کتھے جاندے نیں؟ ایہدا کجھ پتہ نہیں چلدا۔ علاقے دے ایم این اے‘ ایم پی ایز جنہاں نوں ایہہ رقم ملدی اوہ جے ایہدا 50فیصد وی اپنے اپنے علاقے دی ترقی اتے خرچ کردے تے اج پورا بلوچستان پیرس بنیا ہوندا مگر ایسا کجھ وی کدھرے نظر نہیں آندا۔ پورا صوبہ اجے تک صدیاں پرانے ماحول وچ ڈبیا نظر آندا اے۔ کوئٹہ جئے آزادی مگروں وی چھوٹا لندن کہیا جاندا سی ہن اجڑیا لندن نظر آندا اے۔
ہن ایس ویلے بلوچستان وچ جیویں مالی بحران شدت نال موجود نظر آ رہیا اے ایہدی وجہ نال لگدا اے کہ ایس ویلے صوبے وچ ملازماں نوں ادا کرن لئی وی رقم موجود نہیں اے۔ ایہناں حالات وچ پچھلے دناں ریکوڈک منصوبے دے حوالے نال اک وڈی خبر ملی اے کہ بیرک گولڈ نے بلوچستان حکومت نوں 30لکھ ڈالر دا چیک دتا اے۔ ایہدے توں امید اے کہ اوتھے دی پریشان حال صوبائی حکومت نوں گھٹ توں گھٹ فوری طور تے کجھ سہارا مل جاوے گا تے سرکاری ملازماں نوں ادائیگی دے علاوہ وی دوجے معاملات چلان لئی وی کجھ رقم مل جاوے گی۔ خدا کرے ایہہ رقم ایمانداری نال خرچ ہووے کیوں جے ایہہ بلوچستان دی اپنی کمائی اے ایہدے اپنے حصہ دی رقم اے جہدا خاص خیال رکھنا ضروری اے تاں جے کسی پاسو کوئی الزام نہ آوے۔ ایس ویلے بلوچستان نوں دستیاب فنڈز توں اک اک پیسہ سوچ سمجھ کی خرچ کرنا ہووے گا۔ الیکشن قریب نیں تے سیاسی مخالفین الیکشن جتن لئی تیاری کر رہے نیں۔ اوہناں دے نزدیک سب توں آسان کم ایہہ اے کہ موجودہ حکومت نوں بدنام کیتا جاوے۔ ایہدے مالی کرپشن دے سچے جھوٹے قصے عوام وچ پھیلا کے اوہناں نوں گمراہ کیتا جاوے تاں جے اوہ موجودہ حکمراناں نوں ووٹ نہ دین۔ لوک کافی باشعور ہو چکے نیں اوہ پارٹی دی بنیاد تے ووٹ پاندے نیں مگر امیدوار ضرور ویکھدے نیں۔ ریکوڈک دی خطیطر رقم کیویں حکومتی احکامات مگروں بیوروکریسی عوام دی فلاح و بہبود اتے خرچ کردی اے ایہہ ہن بلوچستان وچ تعینات بیوروکریسی اتے منحصر اے۔
نگران وزرائے اعظم تے وزرائے اعلیٰ بارے جدوں دا ہوش سنبھالیا ایہو ویکھدے تے سندے آئے واں کہ اوہ اک ’’دھیان کلینڈر‘‘ ٹائپ خدمات انجام دیندے ہوئے عبوری عرصہ پروٹوکول انجوائے کردے لنگھا دیندے نیں۔ پہلی واری پنجاب دے نگران وزیراعلیٰ محسن نقوی بارے دل و دماغ ایسا لکھن دے حوالے نال آمادہ نہیں ہو پارحے کیوں جے محسن نقوی اک انتہائی ذمہ دار تے بارہ کروڑ‘ عوام دی محبت نال سرشار وزیراعلیٰ پنجاب دے طور تے سامنے آئے نیں۔ اوہ وزیراعلیٰ سیکرٹریٹ دے ارباں روپے دے اخراجات نوں ختم کر کے نہ صرف اپنا تے اپنے سٹاف دا کھانا اپنی جیب توں اپنے گھروں منگواندے نیں بلکہ پرویزالٰہی دور وچ کابینہ توں منظور شدہ سادگی مہم اتے حقیقی طور تے گامزن وی نیں۔ محسن نقوی صحت دے شعبے وچ اپنے قریبی دوست گوہر اعجاز دی مشاورت نال انقلابی اقدامات کرن وچ مصروف عمل نیں۔ پنجاب دی بارہ کروڑ عوام نوں سہولتاں دین دے حوالے نال ان گنت اجلاساں وچ احکامات وی جاری کررہے نیں۔
نگران وزرائے اعظم اور وزرائے اعلیٰ کے بارے میں جب سے ہوش سنبھالا یہی دیکھتے اور سنتے آئے ہیں کہ وہ ایک ’’دھیان کلینڈر‘‘ ٹائپ خدمات انجام دیتے ہوئے عبوری عرصہ پروٹوکول انجوائے کرتے گزار دیتے ہیں۔ پہلی مرتبہ پنجاب کے نگران وزیراعلیٰ محسن نقوی کے بارے میں دل و دماغ ایسا لکھنے کے حوالے سے آمادہ نہیں ہو پا رہے کیونکہ محسن نقوی ایک انتہائی ذمہ دار اور بارہ کروڑ عوام کی محبت سے سرشار وزیراعلیٰ پنجاب کے طور پر سامنے آئے ہیں۔ وہ وزیراعلیٰ سیکرٹریٹ کے اربوں روپے کے اخراجات کو ختم کر کے نہ صرف اپنا او ر اپنے سٹاف کا کھانا اپنی جیب سے اپنے گھرسے منگواتے ہیں بلکہ پرویزالٰہی دور میں کابینہ سے منظور شدہ سادگی مہم پر حقیقی طور پر گامزن بھی ہیں۔ محسن نقوی صحت کے شعبے میں اپنے قریبی دوست گوہر اعجاز کی مشاورت سے انقلابی اقدامات کرنے میں مصروف عمل ہیں۔ پنجاب کی بارہ کروڑ عوام کو سہولیات دینے کے حوالے سے ان گنت اجلاسوں میں احکامات بھی جاری کر رہے ہیں۔
پنجاب وچ کافی حد تک نگران سیٹ اپ لئی ٹرانسفر پوسٹنگ شفاف طریقے نال مکمل کیتے جان تے وی وزیراعلیٰ محسن نقوی داد دے مستہق نیں۔ اک لمی رات مگروں افسران لئی اجالے دی نوید خوش آئند اے۔ ماضی وچ پیسے لے کے ٹرانسفر پوسٹنگ دا بازار گرم رکرھیا جاندا سی۔ ایہناں بولیاں دا قلع قمع کرن دا کریڈٹ محسن نقوی دای حکومت نوں ای جاندا اے۔ ڈی جی ایل ڈی اے عامر احمد خان نے وی اپنی مختصر ترین تعیناتی دے دوران صوبائی دارالحکومت وچ انتہائی اہم تے وڈے فیصلے کیتے نیں۔ معزز ہائیکورٹ دا اوہناں دے تبادلے نوں روکے جان دے احکامات قابل ستائش نیں۔ عامر احمد خان دے خلاف پراپیگنڈا ہون دی وجہ نال وی اوہناں دی ایمانداری تے انتھک محنت اے جہدے توں مخالفین نالاں نظر آندے نیں۔
سی سی پی او لہور بلال صدیق کمیانہ لہور وچ لمے عرصہ خدمات انجام دیندے رہے نیں تے لہور دے کلچر جرائم پیسہ گروہواں توں بخوبی واقفیت رکھدے نیں۔ بلال صدیق کمیانہ نوں ماضی وچ مختصر تعیناتی دتی گئی سی جہدے وچ اوہ اپنی ماہرانہ صلاحیتاں دا لوہا نہ منوا سکے سن۔ ہن امید اے کہ اوہ لہور نوں امن دا گہوار بنا کے ای دم لین گے۔ ڈی آئی جی آپریشن افضال کوثر انتہائی انتھک محنتی تے ایماندار افسر سمجھے جاندے نیں۔ ایہو خصوصیات اوہناں دی سفارش نیں۔ سنا اے کہ ایسے وجہ نال اوہناں نوں تبدیل نہ کرن دا فیصلہ کیتا گیا اے۔ ذوالفقار حمید نوں سپیشل برانچ تعینات کرن دا مقصد ایہہ اے کہ اوہناں دی ایمانداری تے غیر جانبداری توں فیدہ چکیا جانا چاہیدا اے۔ آئی جی پنجاب ڈاکٹر عثمان جہڑا انتہائی پیشہ ور افسر دے طور تے جانے جاندے نیں تے پنجاب وچ اپنی نوکری دا بوہتا حصہ لنگھا چکے نیں۔ ڈاکٹر عثمان چاہندے نیں کہ کسی افسردے نال زیادتی نہ ہووے۔ ایہو سوچ کے اوہنان نے ایس ایچ اوز توں لے کے ایڈیشنل آئی جیز تک دی فہرستاں دی تیاری کروائی اے جہدے وچ اوہناں دی سیاسی وابستگی دا ذکر کیتا گیا اے۔
ڈآکٹر عثمان ایہہ فہرستاں ایڈیشنل آئی جی سپیشل برانچ ذوالفقار حمید کولوں تصدیق کروا رہے نیں کہ کس حد تک کہڑے افسر دا سیاسی جماعت نال تعلق اے۔
کیہ فہرست وچ اوہدے خلاف سازش کر کے نام تے نہیں پا دتا گیا۔ ایہناں الزاماں دے سارے جواب ذوالفقار حمید دے ذریعے آئی جی پنجاب ڈاکٹر عثمان تک پہنچن گے۔ ایہہ اقدامات کرن دا مقصد صرف پلس نوں سیاسی وابستگی توں دور رکھنا تے اولین فرائض وچ عوام دے جان و مال دی حفاظت نوں یقینی بنانا اے۔