پی ڈی ایم تے پی ٹی آئی ملک نوں نقصان پہنچایا،سراج الحق

دینہ(پنجابی میڈیاگروپ)امیر جماعت اسلامی سراج الحق نے آکھیا اے کہ پی ڈی ایم وچ شامل جماعتاں تے پاکستان تحریک انصاف سب نے ہی ایس ملک نوں نقصان پہنچایا اے۔مہنگائی مکائو مارچ دے رَلتیاں نال خطاب کردیاں ہویاں امیر جماعت اسلامی سراج الحق نے آکھیا کہ پاکستان اُتے35ورھے آمراں نے تے35ورھے اینہاں کرپٹ حکمراناں حکومت کیتی، اج پاکستان قرضے دے پہاڑ تھلے دبیا ہویا اے۔اوہناںنے آکھیا کہ اینہاں حکمراناں پاروں اج نہ تے عدالت وچ انصاف اے تے نہ ہی کِدھرے ہور، پاکستان دی22کروڑ عوام مہنگائی دی چکی وچ پس رہی اے،عوام ہُن ہور مہنگائی برداشت نہیں کرسکدی۔سراج الحق نے ہور آکھیاسی کہ ساریاں سیاسی جماعتاں اُتے کرپشن دے الزام نیں،جماعت اسلامی واحد جماعت اے جس اُتے کوئی کرپشن دا کیس نہیں، میں تہاڈے توں اپیل کردا ہاں کہ ایس وار جماعت اسلامی نوں ووٹ دے کے کامیاب کرو۔