شوکت ترین نوں گرفتار کرن دی اجازت دے دتی اے:رانا ثنا

کراچی( پنجابی میڈیاگروپ)وفاقی وزیر داخلہ رانا ثنا اللہ ہوراںآکھیا کہ عمران خان ساڑھے3ورھے ملک دشمن پالیسی چلاندے رہے، اوہناں نے ساڑھے3ورھیاں وچ صرف ملک نوں برباد کیتا۔کراچی وچ میڈیا نال گل بات کردیاں ہویاں وزیر داخلہ رانا ثنا اللہ نے آکھیا کہ وزیر اعظم نے 2دن پہلاں سکیورٹی دے حوالے نال میٹنگ کیتی سی،ملک وچ چین دے اہم منصوبے چل رہے نیں،سکیورٹی دے انتظام موقع اُتے جا کے ویکھنے سن، اوہناںنوں سکیورٹی انتظام نوں ہور کرنا اے۔رانا ثنا اللہ نے ہور آکھیا کہ اک پاسے اسیں ایس معاملے اُتے دن رات محنت کر رہے ہاں، پاکستان خوشحال ہوئے لیکن اَت گرد اپنی کوشش وچ لگے ہوئے نیں، پشور وچ ات گرداں نے بزدلانہ کارروائی کیتی،عمران خان نوں تکلیف ہو رہی اے کہ اوہناںنوںآئی ایم ایف دے نال معاہدہ نظر آ رہیا اے۔