قوم شہیداں دیاں قربانیاں نوں ہمیشہ یاد رکھے گی‘محسن نقوی

لہور(پنجابی میڈیاگروپ)نگران وزیراعلیٰ پنجاب محسن نقوی نے آکھیا اے کہ چیئرنگ کراس اُتے6ورھے پہلاں ہون والے دھماکے دے شہید اج وی ساڈے دلاں وچ وَسدے نیں تے ہمیشہ وَسدے رہن گے تے قوم شہیداں دیاں قربانیاں نوں ہمیشہ یاد رکھے گی۔چیئرنگ کراس دھماکے دے شہیداں دی6ویں برسی اُتے اپنے پیغام وچ نگران وزیراعلیٰ محسن نقوی نے آکھیا کہ اج دا دن بہادر سپوتاں دیاں عظیم قربانیاں نوں یاد کرن دادن اے۔پنجاب حکومت شہیداں دے وارثاں دے نال اے تے اوہناں دے نال مکمل یکجہتی دا اظہار کردے نیں۔پلس شہداء ساڈا مان نیں۔ نگران وزیراعلیٰ محسن نقوی نے شہید ڈی آئی جی ٹریفک لہور کیپٹن (ر) سید احمد مبین، شہید ایس ایس پی آپریشن لہور زاہد گوندل تے ہور پلس اہلکاراں دیاں لازوال قربانیاں نوں خراج عقیدت پیش کیتا۔