عمران خان دے دور وچ ساڈا آئین خطرے وچ سی،بلاول بھٹو

اسلام آباد(پنجابی میڈیا)وزیرخارجہ بلاول بھٹو زرداری نے آکھیا اے کہ عمران خان دے دور وچ آئین نوں نقصان ہو رہیا سی، اوہناں دے دور وچ ساڈا آئین تے نظام خطرے وچ سی۔شہدائے جمہوریت دی یاد وچ تقریب نال خطاب کردیاں ہویاں وزیر خارجہ نے آکھیا کہ عمران خان نے اپنے دور وچ ہمیشہ سیاسی مخالفاں نوں نشانہ بنایا، میں کھیڈاں گا نہ کھیڈن دیاں گا، دے رویئے نال ملک دا نقصان ہوئے گا۔اوہناں نے آکھیاکہ تریخ وچ پاکستان اینہے وڈے سیاسی و معاشی بحران توںکَدی نہیں لنگیا، اسیں ساریاں نال گل بات کرن لئی تیار ہاں، سیاسی رابطیاں لئی کمیٹی تشکیل دیاں گے۔وزیر خارجہ نے آکھیا کہ73 دا آئین شہید ذوالفقار علی بھٹو دی امانت اے، آئین پاکستان شہریاں دے حقوق تے وفاقی اکائیاں دے اتحاددا ضامن اے، قائد عوام ایس ملک وچ اک انقلاب لے کر آئے، ایس آئین نے وڈے وڈے ادارے قائم کیتے۔