کراچی: عمارت دا ملبہ ہٹان لئی آپریشن جاری، مرن والیاں دی تعداد 16ہو گئی

کراچی: عمارت ڈگن دا واقعہ کراچی دے علاقے رضویہ سوسائٹی وچ پیش آیا جتھے پنج منزلہ مخدوش عمارت ملحقہ دو عمارتاں دے نال زمین بوس ہو گئی۔ رضویہ سوسائٹی حادثے وچ مرن والیاں دی تعداد 16ہو گئی اے۔

دوواں عورتاں آپس وچ بھیناں نیں، اوہناں دی لاشاں نوں عباسی شہید ہسپتال منتقل کر دتا گیا اے۔ مرن والی عورتاں دی شناخت سارہ تے حرا دختر عبدالرشید دے ناواں توں ہوئی اے۔ عباسی شہید ہسپتال دے ایم ایل او ڈاکٹر سہیل خان دے مطابق مرن والیاںوچ 7عورتاں تے 3بچے وی شامل نیں۔

عمارت وچ کئی ٹبر آباد سن۔ ملبے توں 25توں ود ھ زخمیاں نوں کڈھ لیا گیا اے پر ہور بندیاں دے دبے ہون دا خدشہ اے۔ وسیلیاں دے مطابق عمارت 3ورھے پہلاں تعمیر کیتی گئی پر بلڈر چار منزلہ عمارت تے ہن پنجویں منزل وی تعمیر کر رہیا سی۔ ریسکیو حکام دے مطابق ملبے تھلے دبے دوجے بندیاں نوں کڈھن لئی ریسکیو آپریشن جاری اے۔