آئی ایم ایف معاہدے توں بعد مہنگائی ہور ہوئے گی،عمران خان

لہور(پنجابی میڈیا)سابق وزیر اعظم تے چیئرمین پاکستان تحریک انصاف عمران خان نے آکھیا اے کہ آئی ایم ایف معاہدے توں بعد مہنگائی ہور ہوئے گی جس وچ صرف غریب پسے گا۔ویڈیو لنک ذریعے خطاب کردیاںچیئرمین تحریک انصاف عمران خان نے آکھیا کہ منی بجٹ توںبعد مہنگائی ہورودھے گی،جَدوں ساڈی حکومت ہٹائی گئی تَد توں کہہ رہا ہاں کہ الیکشن کرائے جان، الیکشن دے علاوہ کوئی حل نہیں اے، میں آکھیا سی کہ ایس حکومت توں ملک سنبھالا نہیں جائے گا، میں آکھیا سی چوراں دا پلندہ ملک نہیں سنبھال سکے گا۔عمران خان نے آکھیا کہ پاکستان دے نال جو کجھ ہو رہیا اے اوہ ہونا ہی سی، پاکستان تیزی نال دلدل وچ پھَس دا جا رہیا اے،پاکستان دا ڈیفالٹ رسک اج سری لنکا دی سٹیج اُتے پہنچ گیا اے،آئی ایم ایف معاہدے توں بعد ملک ٹھیک نہیں ہوئے گا کوئی خوش فہمی وچ نہ رہے،آئی ایم ایف معاہدے توں بعد ہور مہنگائی ہوئے گی،تنخواہ دار طبقے دا براحال اے۔سابق وزیر اعظم نے آکھیا کہ پی ڈی ایم والے4روپے پٹرول دی قیمت ودھن اُتے مہنگائی مارچ کردے سن، کانپیں ٹانگنے والا، مولانا فضل الرحمان نے مہنگائی مارچ کیتے،مریم نواز دا مہنگائی مارچ کِدھرے رستے وچ ہی رہ گیا سی، ساڈے دور وچ آٹا60تے اج135روپے کلو ہو گیا،گھیو335روپے توں اج 700روپے کلو ہو گیا اے،اج دالاں 250توں400 روپے کلو تک ہو گئیاں نیں۔چیئرمین پی ٹی آئی نے ہور آکھیا کہ ساڈے دور وچ چاراں فصلاں دی ریکارڈ پیداوار ہوئی، یوریا ساڈے دور وچ1650تے اج3ہزار تک پہنچ گیا، ساڈے دور وچ سریا 2لکھ ٹن اج3لکھ 5 ہزار تک پہنچ گئی، سریا دی قیمت ودھن نال شوکت خانم ہسپتال دی لاگت وی ودھے گی،سیمنٹ، سریا دی قیمتاںودھن نال گھراں دی لاگت وَدھ گئی اے۔