پرفیوم،کاسمیٹکس اُتے وی ٹیکس25 فیصد کردتا،چیئرمین ایف بی آر

اسلام آباد(پنجابی میڈیا)فیڈرل بورڈ آف ریونیو(ایف بی آر) دے چیئرمین عاصم احمد نے قائمہ کمیٹی نوں نویں ٹیکساںبارے تفصیلی آگاہ کردیاں آکھیا اے کہ کراکری، چاکلیٹ، پرفیوم، کاسمیٹکس اُتے وی ٹیکس 25 فیصد کردتا۔سینیٹر سلیم مانڈوی والا دی زیرصدارت سینیٹ دی قائمہ کمیٹی خزانہ دا اجلاس ہویا جس وچ چیئرمین ایف بی آر نے کمیٹی نوں دسیا کہ ساریاں درآمدی لگژری شیواں اُتے25 فیصد ٹیکس لایا جارہیا اے جنہاں وچ درآمدی گڈیاں، میک اپ داسامان تے کاسمیٹکس شامل نیں ۔چیئرمین ایف بی آر دے مطابق امپورٹڈ واٹر، ہوم ایمپلائنسز، کراکری، فٹ ویئر، درآمدی فرنیچر، چاکلیٹ، پرفیوم، کارن فلیکس تے باتھ روم دے درآمدی سامان اُتے وی25 فیصد ٹیکس لگے گا۔اوہناں نے آکھیا کہ پہلاں لگژری درآمدی شیواں اُتے جی ایس ٹی دی شرح 17 فیصد سی جدکہ 300 توں 500 ڈالر دے موبائل فون اُتے ٹیکس17 توں ودھا کے 18 فیصد کردتا اے۔