سپلیمنٹری فنانس بل2023 سینیٹ قائمہ کمیٹی توں منظور

اسلام آباد(پنجابی میڈیا)سینیٹ قائمہ کمیٹی برائے خزانہ نے پاکستان تحریک انصاف دے سینیٹر دی مخالفت دے باوجود سپلیمنٹری فنانس بل2023دی منظوری دے دتی ۔سلیم مانڈوی والا دی زیر صدارت سینیٹ دی قائمہ کمیٹی برائے خزانہ دا اجلاس ہویا، اجلاس وچ چیئرمین کمیٹی سینیٹر سلیم مانڈوی والا نے آکھیا کہ ایئر لائن کمپنیاں نے کمیٹی نوں درخواست لکھی اے ، کہ ایئر لائن کمپنیاں نے فکس ٹیکس لان دی تجویزدتی اے،امریکا یا کینیڈا لئی 1لکھ فکس ٹیکس عائد ہونا چاہیدا۔سینیٹر محسن عزیز نے آکھیا کہ ایس بل اُتے گل بات کرن لیکن عوام اُتے بوجھ پئے گا،ایہ بل170ارب روپے دا نہیں بلکہ510ارب روپے دااے، میں ایس بجٹ نوں اپنی پارٹی دے توسط نال مسترد کردا ہاں، حکومت نے ایس بل نوں منظورکرالینا اے لیکن ایس نال تباہی ہوئے گی، شرح سود نوں2فیصد گھٹ کرن تے تہانوںایہ رقم مل جائے گی۔سینیٹر محسن عزیز نے آکھیا کہ اک آٹے دی بوری بھارت توں اسمگل نہیں ہوئی، اوتھے آٹے دا ریٹ گھٹ اے ایتھے وَدھ اے لیکن اوہناں دا قنون سخت اے، ایس لئی اوتھے اسمگلنگ نہیں ہوسکدی۔