معیشت چل نہیں رہی تے ملک ڈیفالٹ دے دہانے اُتے کھڑا اے،سابق وزیر

اسلام آباد(پنجابی میڈیا)پاکستان تحریک انصاف دے رہنما تے سابق وزیر خزانہ حماد اظہر نے آکھیا اے کہ جنگاں وچ وی پاکستان دی معیشت اینہی خراب نہیں ہوئی جنہی اج اے۔اک بیان وچ حماد اظہر نے آکھیا کہ عالمی منڈی وچ پیٹرول تے ڈیزل دیاں قیمتاں گھٹ ہویاں نیں،جَد پیٹرول عالمی منڈی وچ113 ڈالر اُتے سی تے پاکستان وچ پیٹرول دی قیمت 150 روپے سی، اج عالمی منڈی وچ پیٹرول 80 ڈالر اُتے اے تے پاکستان وچ 272 روپے قیمت ہوئے گئی،9مہینیاں تے خاص طور اُتے 30 دناں وچ روپیہ ڈالر دے مقابلے وچ90روپے قدر کھو بیٹھا اے۔اوہناں نے آکھیا کہ پی ڈی ایم دی غلط پالیسیاں نیں، پہلاں مفتاح اسماعیل فیر اسحاق ڈار نے معاشی بحران دی بنیاد رکھی، ایہ لوگ عوام وچوں منتخب نہیں ہوئے ایس لئی اینہاں نوں عوام دی کیہ فکر، ساڈے دور وچ پیٹرول دی قیمت 4 روپے ودھ جاندی تے کابینہ وچ 1گھنٹہ بحث ہوئی،ایہ1جھٹکے وچ20،30 روپے ودھا دیندے نیں اوہناں نوں کوئی پرواہ نہیں۔