نواز شریف دی ہدایت اُتے شاہد خاقان دی مریم نواز نال ملاقات

لہور( پنجابی میڈیا)پاکستان مسلم لیگ(ن) دے سینئر رہنما و سابق وزیر اعظم شاہد خاقان عباسی نے پارٹی قائد نواز شریف دی ہدایت اُتے (ن) لیگ دی سینئر نائب صدر و چیف آرگنائزر مریم نواز نال ملاقات کیتی ۔ پارٹی ذرائع دے مطابق پاکستان مسلم لیگ وچ دھڑے بندیاں دیاں خبراں سامنے آن توں بعد سابق وزیر اعظم شاہد خاقان عباسی پارٹی قائد نواز شریف دی خصوصی ہدایت اُتے مریم نواز نال ملن لہور پہنچے۔اوہناں دی چیف آرگنائز مریم نواز نال پارٹی سیکرٹریٹ ماڈل ٹائون وچ ملاقات ہوئی جیہڑی تقریباً 1گھنٹے تک جاری رہی۔اہم ملاقات وچ مریم نواز نے شاہد خاقان عباسی نوں یقین دہانی کرائی کہ پارٹی معاملات وچ سینئر قیادت نوں نال لے کے چلاں گے۔مریم نواز نے گل بات کردیاں ہویاں آکھیا کہ میرا تہاڈے نال احترام دا مضبوط رشتہ اے۔ بے پرکی پھیلان والے نکام ہون گے۔