امریکی محکمہ خارجہ دے قونصلر ڈیرک شولے پاکستان اپڑگئے

اسلام آباد(پنجابی میڈیا)امریکی محکمہ خارجہ دے قونصلر ڈیرک شولے پاکستان اپڑ گئے،سیکرٹری خارجہ اسد مجید نے امریکی محکمہ خارجہ دے قونصلر نال ملاقات کیتی۔ترجمان دفتر خارجہ دے مطابق سیکرٹری خارجہ نے امریکی محکمہ خارجہ دے قونصلر ڈیرک شولے نوں وزارت خارجہ وچ خوش آمدید آکھیا۔ سیکرٹری خارجہ نے تجارت تے سرمایہ کاری فریم ورک دے واشنگٹن اجلاس اُتے وی اطمینان دا اظہارکیتا۔ملاقات دے دوران سیکرٹری خارجہ اسد مجید نے آکھیا کہ تواتر دے نال دو طرفہ دورے پاک امریکا تعلقات دی مثبت سمت دے عکاس نیں۔امریکی محکمہ خارجہ دے قونصلر ڈیرک شولے نے آکھیاکہ امریکا پاکستان دے نال تعلقات اگے ودھان لئی پر عزم اے، امریکا پاکستان دے متاثرین سیلاب دے نال یکجہتی تے سپورٹ دا اظہار کردا اے۔