مسلم لیگ (ن)ہُن توشہ خانہ چوردے خلاف مہم چلا رہی اے، مریم اورنگزیب

اسلام آباد(پنجابی میڈیاگروپ)وزیر اطلاعات ونشریات مریم اورنگزیب نے آکھیا اے کہ مسلم لیگ(ن) ہن صرف فارن ایجنٹ تے توشہ خانہ چور دے خلاف مہم چلا رہی اے،عمران خان عدلیہ دا مذاق تے تضحیک جیہڑے تُسی کر رہے او اوس دی مثال نہیں ملدی،عدلیہ نال گالی دھمکی تے دھونس نال ہر دن بیل تُسی لیندے او۔اتوار نوںاپنے بیان وچ اوہناں نے آکھیا کہ (ن) لیگ ہُن صرف تے صرف تہانوں تے تہاڈے سہولت کاراں نوں بے نقاب کرن دی مہم چلا رہی اے،(ن) لیگ ہُن صرف پاکستان دی معیشت نوں کھوکھلا کرن تے عوام نوں بے روزگار کرن والے کرداراں دے خلاف مہم چلارہی اے۔اوہناںنے آکھیا کہ مسلم لیگ( ن) ہُن صرف فارن ایجنٹ تے توشہ خانہ چور دے خلاف مہم چلارہی اے،مسلم لیگ (ن)ہُن صرف ملک دے خلاف سازش کرن والیاں دے خلاف مہم چلارہی اے۔