اک دُوجے نوں جیل وچ پان نال معیشت بہتر نہیں ہوئے گی،شاہدخاقان

کراچی (پنجابی میڈیا)پاکستان مسلم لیگ(ن)دے رہنما شاہد خاقان عباسی نے آکھیا اے کہ اج اک دُوجے نوں جیل وچ پان نال ملک دے معاشی حالات بہتر نہیں ہون گے۔پریس کانفرنس کردیاں ہویاں اوہناں نے آکھیا کہ سیاسی نظام وچ اوہ اہلیت نہیں رہی کہ ملک دے مسائل حل ہون۔شاہد خاقان عباسی نے آکھیا کہ کمیشن بنا دین جیہڑا فیصلہ کرے کہ کون اینہاں حالاتاں دا ذمے دار اے، اسیں سارے اینہاں حالاتاں دے ذمے دار ہاں۔(ن)لیگی رہنما نے آکھیا کہ کراچی وچ ات گردی داافسوس ناک واقعہ ہویا،پہلاں وی ملک نوں اینہاں حالات دا سامنا سی جنہاں دا مقابلہ کیتا گیا۔سابق وزیر اعظم نے آکھیا کہ اجے وی اینہاں حالاتاں دا سامنا کرنا اے،کل ساڈا سیمینار سی مگر واقعے پاروں مناسب نہیں سمجھیا کہ سیمینار کیتا جائے۔