پی ٹی آئی دا قومی اسمبلی وچ واپسی دا فیصلہ

لہور(پنجابی میڈیا)پاکستان تحریک انصاف نے نویں چیئرمین نیب دی تعیناتی لئی قومی اسمبلی وچ واپسی دا فیصلہ کردیاں ہویاں آکھیا کہ راجہ ریاض دی مشاورت نال نواں چیئرمین نیب ناقابل قبول ہوئے گا،اسپیکر قومی اسمبلی اپنے آپ نوں منشی نہ بنائے، اپوزیشن لیڈر پی ٹی آئی دا لان، اوس دے بعد چیئرمین نیب دی تقرری دا عمل شروع کیتا جائے گا، چیئرمین نیب دا استعفیٰ گھر دا بھیدی لنکا ڈھائے دے مترادف اے، بیوروکریسی دے باقی لوگ وی چیئرمین نیب دے استعفے توں سبق لین، چیف الیکشن کمشنر نوں صدر مملکت دے عہدے دی آفر بطور رشوت کرائی جا رہی اے، 61لوکاں نے بیٹھ کے 170ارب روپے دے ٹیکس لا دتے ، آئی ایم ایف توں پُچھدے ہاں کہ اوہ ایس معاہدے دی توثیق کرے گا،مریم نواز نے بلیک میلنگ لئی سیل قائم کیتا، ججاں دے خلاف منفی مہم دی مذمت کردے ہاں، سپریم کورٹ اوس دا نوٹس لئے، اج (بدھ ) توں اسیںجیل بھرو تحریک شروع کررہے ہاں،200افراد گرفتاریاں دیون گے ، ایہ تبدیلی دااک پرامن رستہ اے تے ایہ تحریک ساڈااگلہ سیاسی لائحہ عمل اے۔ایہہ گلاں تحریک انصاف دے سینئر رہنما فواد چوہدری ، جیل بھرو تحریک دے فوکل پرسن اعجاز چوہدری تے مسرت جمشید چیمہ نے پریس کانفرنس کردیاں ہویاں کیتیاں۔