بزنس انٹرپرائزمعاشرتی ترقی وچ اہم کردار ادا کردا اے،احسن اقبال

اسلام آباد(پنجابی میڈیا)وفاقی وزیر برائے منصوبہ بندی ، ترقی، اصلاحات وخصوصی اقدامات پروفیسر احسن اقبال نے آکھیا اے کہ بزنس انٹرپرائز معاشرے دی ترقی وچ اہم کردار ادا کردا اے،پاکستان موسمیاتی تبدیلی توں وَدھ متاثر ہون والے ملکاں وچ شامل اے ،ساڈا سیارہ تیزی نال موسمیاتی تبدیلیاں دے اثرات دی زد وچ اے۔ منگل نوں محولیات تے صحت بارے قومی فورم نال خطاب کردیاں ہویاں وفاقی وزیر نے آکھیا کہ بزنس انٹرپرائز انڈسٹری دا انجن اے،بزنس انٹرپرائز معاشرے دی ترقی وچ اہم کردار ادا کردا اے، جیہڑے بزنس اپنے منافع وچ اپنے ملازماں تے علاقے نوں شامل کردے نیں اوہ دیرپا ترقی کردے نیں۔ اوہناں نے آکھیا کہ ساڈا سیارہ تیزی نال موسمیاتی تبدیلیاں دے اثرات دی زد وچ اے تے پاکستان موسمیاتی تبدیلی توں وَدھ متاثر ہون والے ملکاں وچ شامل اے،ساڈے سیارے داایکو سسٹم خراب ہورہیا اے،فوڈ سیکورٹی مسئلہ شدت اختیار کرداجارہیا اے، ایس لئی ساہنوں سنجیدگی نال محول دوست پالیسیاں اپنان دی لوڑ اے۔