حکومت میڈیا دی آزادی اُتے مکمل یقین رکھدی اے،مریم اورنگزیب

اسلام آباد(پنجابی میڈیا)وفاقی وزیراطلاعات مریم اورنگزیب نے آکھیا اے کہ حکومت میڈیا دی آزادی اُتے کامل یقین رکھدی اے،صحافیاں دی گروپ انشورنس لئی عملی اقدامات کیتے جارہے نیں۔جاری اعلامیہ دے مطابق مریم اورنگزیب نال مری پریس کلب دے وفد نے ملاقات کیتی جس وچ مری دی سیاحتی اہمیت، پریس کلب تے صحافیاں نوں درپیش مسئلیاں سنے ہوراہم امور اُتے تبادلہ خیال کیتاگیا ۔مریم اور نگزیب نے آکھیاکہ حکومت میڈیا دی آزادی اُتے کامل یقین رکھدی اے۔ وفاقی وزیر نے آکھیاکہ صحافیاں دی گروپ انشورنس لئی عملی اقدامات کیتے جارہے نیں۔وزیراطلاعات و نشریات نے آکھیاکہ صحافیاں دیاں تنخواہواں دی ادائیگی دے حوالے نال اہم ترمیم لیائی جا رہی اے۔ وزیر اطلاعات نے آکھیاکہ صحافیاں دے مسائل توں آگاہ ہاں، اوہناں دے حل لئی ہر ممکن اقدام کیتے جا رہے نیں۔