چودھری شجاعت نے پرویز الہی نوں (ق)لیگ توں فارغ کردتا

لہور( پنجابی میڈیا)مسلم لیگ (ق)دے صدر چودھری شجاعت حسین نے چودھری پرویز الہی دے پارٹی دی بنیادی رکنیت برخاست کر دتی۔سابق وزیر اعلی پنجاب چودھری پرویز الہی نوں پارٹی پاروں حاصل عہدیاں نال منسلک نہ کرن دی ہدایت کر دتی گئی، ایس حوالے نال جاری نوٹس وچ آکھیا گیا اے کہ تہانوں16جنوری نوں شوکاز نوٹس جاری کیتا گیا جس دی کوئی وضاحت نہیں دتی گئی، ضابطہ دی کھلی خلاف ورزی اُتے تہانوںپارٹی توں فارغ کیتا جاندا اے۔واضح رہے ایس توں پہلاں26جنوری 2023 نوں پرویز الہی دی زیر صدارت مسلم لیگ (ق) دی مرکزی جنرل کونسل دے اجلاس وچ چودھری شجاعت نوں صدارت توں برطرف کرکے چودھری وجاہت حسین نوں پارٹی دا نوا مرکزی صدر منتخب کیتا گیا سی۔طارق بشیر چیمہ دی جگہ کامل علی آغا نوں جنرل سیکرٹری منتخب کیتا گیا،31جنوری2023نوں الیکشن کمیشن نے مسلم لیگ (ق) دی مرکزی جنرل کونسل اجلاس فیصلے نوں مسترد کردیاں ہویاں چودھری شجاعت حسین نوں پارٹی دا صدر برقرار رکھن دا فیصلہ جاری کیتا سی۔