پی ٹی آئی تے مسلم لیگ ق دا انضمام،عمران خان تے پرویز الہی دی ملاقات
لہور( پنجابی میڈیا)پاکستان تحریک انصاف وچ مسلم لیگ ق نوں ضم کرن دے معاملے اُتے چیئرمین پی ٹی آئی عمران خان تے سابق وزیر اعلی پنجاب چودھری پرویز الہی دی ملاقات ہوئی۔ملاقات وچ عمران خان تے چودھری پرویز الہی وچ سانجھی سیاسی صف بندی بارے حتمی گل بات کیتی گئی، ملاقات وچ اسد عمر سنے مسلم لیگ ق دے10سابق اراکان پنجاب اسمبلی تے سینئر رہنما وی رَلتی ہوئے۔سابق ارکان اسمبلی حافظ عمار یاسر، شجاعت نواز، عبداللہ یوسف وڑائچ وی ملاقات دا حصہ، با رضوان، ساجد بھٹی، احسان الحق، محمد افضل، باسمہ چوہدری تے خدیجہ عمر فاروقی نے وی ملاقات وچ رَلت کیتی۔موسی الہی، چودھری مقصود سلہریا، خرم منور منج تے حاجی عمر حبیب وی ملاقات دوران موجود سن، ملاقات وچ مسلم لیگ ق نوںپی ٹی آئی وچ ضم کرن اُتے گل بات کیتی گئی۔
