بھارتی مظالم دے خلاف کھل کے تنقید، وزیراعظم دا ایرانی سپریم لیڈر تے ترک صدر دا شکریہ
اسلام آباد: وزیراعظم عمران خان نے بھارتی مظالم دے خلاف کھل کے گل کرن تے ایرانی سپریم لیڈر آیت اللہ علی خامنہ ای تے ترک صدر رجب طیب اردوان دا شکریہ ادا کیتا اے۔
سماجی رابطیاں دی ویب سائٹ ٹوئٹر تے جاری اپنے بیان وچ وزیراعظم عمران خان نے لکھیا ہندوستان وچ مظالم دے خلاف گل کرن تے سپریم لیڈر خامنہ ای تے صدر اردگان دا شکریہ ادا کرنا آں۔وزیراعظم عمران خان نے لکھیا ہندو بالادست مودی حکومت ہندوستان تے کشمیریاں دے مسلماناں تے ظلم و بربریت کر رہی اے۔ افسوس دی گل اے مسلم دنیا ولوں کجھ ای آوازاں ایہدی مذمت کر رہیاں نیں۔
وزیراعظم آکھیا ہندو بالادست مودی حکومت دے ہندوستان وچ مسلماناں دے قتل عام دے خلاف مغرب وچ زیادہ آواز چکی جا رہی اے۔
