اسلام آباد ایئر پورٹ تے 80ہزار ماسک بیرون ملک سمگل کرن دی کوشش نکا م
اسلام آباد انٹرنیشنل ایئر پورٹ تے 7سو کلو وزن دے حامل 80ہزار ماسک بیرون ملک سمگل کرن دی کوشش نکام بنا دتی گئی۔ اسلام آباد انٹرنیشنل ایئر پورٹ تے کسٹم عملہ نے کاروائی کردیاں انسداد کرونا ماسک بنکاک تے قطر سمگل کرن دی کوشش نکام بنا دتی۔
کسٹم حکام دے مطابق تناں مسافراں آصف، توقیر تے مشتاق توں مجموعی طور تے 7سو کلو ماسک برآمد کیتے گئے پر ماسک قبضے وچ لے کے اوہناں نوں سفر کرن دی اجازت دے دتی گئی۔ بیرون ملکاں وچ ماسک دی مانگ دے وادھے تے منافع کمان دی لالچ وچ ماسک سمگل کیتے جا رہے سن۔
