(ن)لیگ دا ڈیجیٹل پلیٹ فارم اُتے آن دامنصوبہ
لہور(پنجابی میڈیاگروپ)پاکستان مسلم لیگ(ن)نے پارٹی نوں ڈیجیٹل پلیٹ فارم اُتے متحرک کرن لئی لہور وچ سوشل میڈیا ٹیم تیار کر لئی۔تحریک انصاف دے مقابلے لئی مسلم لیگ(ن) نوں ڈیجیٹل پلیٹ فارم اُتے متحرک کرن دا منصوبہ تیارکرلیا گیا تے ایس حوالے نال(ن)لیگ دی لہور وچ سوشل میڈیا ٹیم مکمل کرلئی گئی ۔پارٹی ذرائع دے مطابق سوشل میڈیا اُتے پارٹی دی تشہیر لئی(ن)لیگ دی چیف آگنائزر مریم نواز ذاتی طور اُتے متحرک نیں تے اوہناں دی خصوصی دلچسپی اُتے مسلم لیگ (ن)دی لہور وچ کم ازکم3ہزار اراکاناں اُتے مشتمل سوشل میڈیا ٹیم بنائی گئی۔ذرائع مطابق سوشل میڈیا ٹیم نوں ضلع، ٹائونز تے یونین کونسل دی سطح اُتے متحرک کیتا جائے گا۔
