فرح گوگی نوں پاکستان لیان دا فیصلہ
اسلام آباد(پنجابی میڈیاگروپ)وفاقی تحقیقاتی ادارے(ایف آئی اے) نے فرحت شہزادی عرف فرح گوگی نوں پاکستان لیان لئی انٹرپول نال رابطے دا فیصلہ کرلیا۔ایف آئی اے ذرائع دے مطابق فرحت شہزادی نوں پاکستان لیان لئی انٹرپول نال رابطے دے فیصلے دی وزارت داخلہ توں اجازت منگ لئی گئی اے۔ذرائع دے مطابق فرحت شہزادی نوں اشتہاری قرار دین لئی عدالت توں ریڈوارنٹ حاصل کیتے جان گے۔ذرائع دے مطابق فرحت شہزادی دے خلاف اسٹیٹ بینک دی ہدایت اُتے اینٹی منی لانڈرنگ ایکٹ دے تحت مقدمہ درج کیتا گیا اے، اوہناں دے اکاؤنٹاں توں غیر معمولی ٹرانزیکشناں ہویاں سن۔
