پی ڈی ایم والے استعفی دین تے گھر جان:حماد اظہر

اسلام آباد( پنجابی میڈیاگروپ)سابق وفاقی وزیر حماد اظہر نے آکھیا اے کہ پی ڈی ایم نے11مہینیاں وچ سب کجھ کر کے ویکھ لیا،تہاڈے سامنے ہتھ جوڑ کے کہندے ہاں کہ استعفی دیو تے گھرجائو۔میڈیا نال گل کردیاں ہویاں حماداظہر نے آکھیا کہ ایکسپورٹ تباہ ہو چکی اے،موجودہ حکومت عوام نوں ریلیف فراہم کرن وچ نکام رہی،تحریک انصاف نے اپنے دوروچ عوام نوں ریلیف فراہم کیتا،5500ارب روپے قرضیاں اُتے سودادا کرنا اے،معیشت دی صورتحال انتہائی خطرناک اے،اسیں بار بار وارننگ دیندے رہے کہ اوہناں توں معیشت نہیں سنبھل رہی،ایس توں پہلاں وی ایہ معیشت نوں2وار تباہ کر چکے۔سابق وفاقی وزیر حماد اظہر نے ہور آکھیا کہ اپنے ہی لوکاں نوں غیرقنونی طور اُتے چُک کے ہراساں کیتا گیا،اج الیکشن کمیشن پوری قوم دے سامنے مذاق بن گیا اے،عدلیہ اندر تفریق پیدا کرن دی کوشش کیتی جارہی اے،کل اسیں ملک دے نال مذاق ویکھیا، وزیر قنون تے اٹارنی جنرل نے غیر ذمہ دارانہ گل بات کیتی،اسیں عالمی دنیا وچ مذاق بن کررہ گئے نیں۔