معیشت تباہ کرن والا اج تنقید کر رہیا اے،مریم اورنگزیب

اسلام آباد( پنجابی میڈیاگروپ)وفاقی وزیر اطلاعات و نشریات مریم اورنگزیب نے آکھیا اے کہ4ورھے پاکستانی معیشت نوں اپنے ہتھاں نال اگ لان والا اج تنقید کررہیا اے،2016وچ عمرانی منصوبے دا آغاز ملک دے خلاف سازش دی شروعات سی۔سماجی رابطے دی ویب سائٹ ٹوئٹر اُتے اپنے پیغام وچ مریم اورنگزیب نے آکھیا کہ عمران خان نے ملک وچ آئینی و سیاسی عدم استحکام پیداکیتا،6.2فیصد اُتے ترقی کردی معیشت نوں زوال پذیر کیتا،3فیصد مہنگائی دی شرح تے بے روزگاری وچ اضافہ کیتا۔وفاقی وزیر اطلاعات نے اپنے پیغام وچ مسلم لیگ(ن) دے دور وچ مالی سال14-2013توں18-2017تک5ورھیاں اُتے محیط اقتصادی اشاریاں دے مقابلے وچ پاکستان تحریک انصاف دے19-2018توں22-2021تک(4 ورھیاں)دے اقتصادی اشاریاں دا تقابلی جائزہ وی شیئر کیتا۔