ماں بولی دے عالمی دیہاڑ اتے پنجابی زبان دے حق اندر

گجرات وچ پنجابی کانفرنس تے مشاعرہ

اکٹھ دا پربندھ “دل دریا پاکستان” تے وغیرہ وغیرہ دی سانجھ نال کیتا گیا

رپورٹ

ادریس چیمہ اسلام آباد چیئرمین دل دریا پاکستان سیف اللہ حیدر باجوہ سرپرست دل دریا پاکستان علی احمد گجراتی بانی و صدر دل دریا پاکستان رجسٹرڈ شہزاد حسین بھٹی اٹک۔ گوہر حسین گہر مردانوی مردان۔ ایاز خالد مٹھیالوی اٹک ہوراں ریلی دی آگوائی کیتی۔
اس دے نال نال ریلی وچ رلتی مان جوگ ناواں وچ محمد حنیف ساقی حافظ آباد بشیر کمال شکرگڑھ ۔ منیر بدر چکوال ۔ظہیر بدر جہلم ۔ شہزاد حسین بھٹی اٹک ۔ ریاض ارمان جلالپور بھٹیاں ۔شاہ زار وٹو تاندلیانوالہ ۔ محمد سعد گجرات ۔ ڈاکٹر رفیق رضا گجرات۔سردار بلال گجر گجرات ۔ جمیل ساحل پسرور ۔ طیب گجر طالبعلم رہنما لاہور ۔ نوید سرا پنجابی پریوار ۔ شہزاد بزمی گجرات ۔ ارشد مخلص پھالیہ ۔ رمضان جانی ۔ مرزا سیف اللہ ساجد ۔ عصمت اللہ سیکھو ۔ انعام اللہ ناصر مان گجرانوالہ ۔ زبیر عباس شیخوپورہ ۔ ہوراں دے ناں اچیچ نال شامل سن۔
ہر سال وانگوں سروس موڑ گجرات توں ریلی دا ٹورا شروع ہویا۔ رحمن شہید روڈ تے ریلی شادمان کالونی فیر جیل چوک توں گزردی ہوئی کچہری چوک اپڑی۔ سٹی
ٹریفک پولیس تے پنجاب پولیس دے اہلکار ریلی دے نال نال رہے۔ ریلی دے رلتیاں نیں پنجابی زبان دے حق وچ پلے کارڈز تے بینرز چکے ہوئے سن۔
جنہاں تے پنجابی زبان دے پنجاب وچ نفاذ بارے نعرے لکھے ہوئے سن۔ ریلی دے رلتیاں نیں بڑی زور دار نعری بازی کیتی۔ تے پنجاب سرکار اگے پنجاب وچ پنجابی زبان دی لگوتی دی منگ کیتی۔ ادریس چیمہ علی احمد گجراتی۔ ڈاکٹر رفیق رضا محمد حنیف ساقی سیف اللہ حیدر باجوہ ہوراں میڈیا نال گل بات کردیاں ہویاں مادری زباناں دی اہمیت بارے دسیا۔اور مڈھلی تعلیم وچ مادری زبان دی لوڑ تے تھوڑ بارے جانکاری دتی۔ ایہناں دا کہنا سی کہ بالاں دی مادری زبان وچ مڈھلی تعلیم اک عالمی تے سائنسی اصول اے۔
دنیا دا کوئی وی خطہ مادری زبان وچ تعلیم دا انکاری نہیں۔ سگوں اقوام متحدہ ولوں مڈھلی تعلیم مادری زبان وچ دتے جان تے زور دتا جاندا اے۔ ایسے طراں پاکستان دا آئین وی ہر صوبے نوں مادری زبان وچ تعلیم دا حق دیندا اے۔ پاکستانی پنجاب دنیا واحد اجیہا صوبہ اے ۔
جو آبادی دے حوالے نال دنیا دے چوکھے ملکاں توں وی وڈا اے۔ پر اس دے بالاں نوں اس دی اپنی زبان پنجابی وچ تعلیم توں محروم رکھیا جا ریہا اے۔ ایہ اک اخلاقی بددیانتی تے ہے ای اے۔
اس دے نال نال ایہ بنیادی انسانی حقوق دی خلاف ورزی وی اے۔ تے اک وڈی قوم دی زبان دی توہین وی۔ ریلی دا اخیر کچہری چوک وچ ہویا۔ اس دے بعد ای لائبریری گجرات وچ پنجابی کانفرنس تے دو پنجابی شعری پراگیاں دی مکھ وکھالی دا پربند کیتا گیا۔
“لوں لوں رچیاں پِیڑاں” قیصر محمود گورائیہ گجرانوالہ ۔ “سفنے تے تعبیراں” بشیر کمال شکرگڑھ توں شامل سن۔ امجد حمید محسن ہوراں “لوں لوں رچیاں پیڑاں” تے منظوم خراج پیش کیتا۔ اس دے علاوہ رلتی شعرا نے دوواں کتاباں نوں ڈھیر سراہیا۔
اس دے بعد اک بھرویں پنجابی مشاعرے دا آہر کیتا گیا سی۔
جس دی پردھانگی محمد حنیف ساقی ہوراں کیتی۔ اچیچے پروہیناں وچ ادریس چیمہ۔ سیف اللہ حیدر باجوہ۔ ریاض ارمان۔ شاہراز وٹو۔ ظہیربدر۔قیصر محمود گورائیہ۔ بشیر کمال۔ امجد حمید محسن۔ منیر بدر۔ شبیہہ مظہر رانجھا۔ امجد حمید محسن۔ شہزاد بزمی۔جمیل ساحل۔ ارباب اقبال بریار۔قیصر محمود گجر ہوراں دے ناں شامل سن۔ اس توں وکھ مان جوگ شعرا وچ طیب گجر سادھوکی۔ عدنان ملہی۔ نصر شباب رانجھا ۔ حاشرم مخدوم۔ناصر حیات صحرائی ۔ بلال پریمی۔ ارشد جانی کھچی۔ رائے ضیغم۔ شبیر حسین رند۔ نعیم الدین فاروقی۔ محمد اویس باسل ہوراں دے ناں شامل سن۔
اس توں وکھ وی اچیچ نال ریلی تے کانفرنس وچ رلت کرن والیاں وچ شہباز گوندل۔محمود سعد۔ توصیف گوندل۔ملک عبدالمنان کھوکھر۔ عارف حسین مخفی۔سکندر لودھی۔طاہر گجر۔ شرافت حسین۔ مطلوب علی۔اسامہ۔ علی رضا۔رضوان سعید۔ حسنین بٹر۔ ذیشان ورک۔ اویس احمد بھٹی۔غضنفر علی۔محمد احمد عباس۔مزمل حسین۔ عاقب وقار۔ محمد حمزہ۔طلال راشد۔ قمر عباس۔ مہر قمر انجم۔ڈاکٹر ارسلان مہر۔ محمد آصف علی۔عبداللہ نیاز۔حافظ فہد اعوان۔محمد اسد رضا گجراتی۔ سائیں ذاکر علی گجراتی۔خرم دیدار۔عاصم بسمل ہوراں دے ناں شامل سن۔پروگرام دے بعد آن والے سارے پروہنیاں دی رات دے ان پانی نال سیوا کیتی گئی۔آخر تے اکٹھ دے پربندھک علی احمد گجراتی ہوراں آن والے سارے پروہنیاں دا شکریہ ادا کیتا۔
مادری زبان کسے وی قوم یا خطے دی تاریخ تہذیب تے تمدن دی نہ صرف امین ہوندی اے۔ سگوں اس قوم دی اقوامِ عالم وچ پچھان وی اپنی زبان نال ای ہوندی اے۔ مادری زبان وچ تعلیم علم دی سکھلائی وچ آسانی پیدا کردی اے۔ دنیا دی کوئی وی قوم اپنی زبان چھڈ کے ترقی نہیں کرسکدی۔ اقوام متحدہ تے چارٹرڈ تے پاکستان دے آئین نوں من دے ہوئے پنجاب وچ پرائمری تعلیم پنجابی وچ تے بی اے تیکر پنجابی زبان دا مضمون لازمی قرار دتا جاوے۔ اویس باسل بلکار نیوز نیٹ ورک گجرات