کرونا دا خطرہ: پاک افغان چمن بارڈر دی بندش وچ اک ہفتے دا وادھا

کوئٹہ: کرونا وائرس دے پھیلاؤ دے خطرے دے پیش نظر پاک افغان بارڈر نوں ہور 7دناں لئی بند کر دتا گیا۔ سکیورٹی حکام دے مطابق پاک افغان سرحد 8ویں دیہاڑ وی بند رہی، وفاقی حکومت دے حکم دے تحت پاک افغان بارڈر اج آمدورفت تے تجارتی سرگرمیاں لئی کھلنا سی پر وفاقی حکومت دی ہدایت تے باب دوستی ہور 7دناں تک بند کر دتا گیا۔

پچھلے دیہاڑ ایف سی حکام دے نال چیمبر آف کامرس، قبائلی عمائدین نے اک اجلاس وچ پاک افغان بارڈر دی ہور بندش توں اختلاف کیتا سی پر صورتحال دے پیش نظر حکومت ولوں سرحد نوں ہور بند کرن دا فیصلہ کیتا گیا۔ سرحد دی بندش نال نیٹو سپلائی، افغان ٹرانزٹ ٹریڈ تے سینٹرل ایشیائی ملکاں دے نال تجارتی سرگرمیاں معطل نیں۔

محکمہ صحت دے مطابق پاک افغان سرحد تے 15ہزار توں ودھ بندیاں دی سکریننگ کیتی جا چکی اے۔ پاک افغان سرحد کھلن دے بعد وی سکریننگ دا عمل جاری رہوے گا۔