سپریم کورٹ خوداحتسابی دا عمل شروع کرے،اعظم نذیرتارڑ

اسلام آباد(پنجابی میڈیاگروپ)وفاقی وزیرقنون اعظم نذیر تارڑ نے آکھیا اے کہ سپریم کورٹ اپنیاں صفاں نوں درست تے خوداحتسابی دا عمل شروع کرے،جنرل فیض حمید دے خلاف کسی ادارے نوں خط لکھن دا علم نہیں، ویکھنا ہوئے گا ادارے دے باہر توںکوئی شکایت کر سکدا اے یا نہیں، اگر کسی نے اپنے حلف دی پاسداری نہ کیتی تے اختیاراں توں تجاوز کیتا تے اوس نوں نشان عبرت بننا چاہیدا اے،50کروڑ توں گھٹ، اختیاراں دے ناجائز استعمال والی انکوائریاں ہُن متعلقہ فورم اُتے جان گیاں،چیئرمین نیب تحقیقات ازخود بند نہیں کر سکدے عدالت ذریعے ہی تفتیش بند ہوسکدی اے۔اسلام آبادوچ پریس کانفرنس کردیاں ہویاں وفاقی وزیرقنون اعظم نذیرتارڑ نے آکھیا کہ وفاقی کابینہ نے نیب قنون وچ کجھ ترمیم دی منظوری دتی اے، نیب قنون دی سیکشن4تے5وچ ترمیم کیتی گئی اے،ہُن عدالتاں ہی نیب کیساںدا جائزہ لے کے اوہناں نوں بند کرن گیاں، مقدمے متعلقہ تفتیشی اداریاں وچ منتقل کرن لئی ترمیم کیتی گئی اے۔